Madu Leboh

Kawe jupo dikir lagu sedak takdi. Save dale blog kawe nih, mano tahu ake date nok denga time tengoh puah. Lagu madu leboh. Suko kawe tengok video dio, set dikir paka topi koboi ditajo oleh Nike. Ganah set dio, buleh tajae Nike, sero nok join jah sah dikir dio.

Kecek pasal madu leboh ni, meme la banyok khosiat. Sama ado zahir, batin de jugok mental. Meme terbukti doh nge kajie saintifik de jugok disebuk2 dale al-Quran. Madu leboh ni manih, sedak make nge ghoti. Kawe suko make madu leboh ni, dulu mudoh jah nok caghi, gi pasa tani pagi2 gak ado la pokcik hok wak maghi madu sekali nge sare2. Leboh tuale dio kato. Hok ni paling sedak. Tapi keno perati jugok sebak rama jugok hok nipu. Dio gi capo air gulo. Kalu demo boh dale peti gak buleh tengok la gulo keto patak boto. Madu leboh asli tidok beku kalu buboh dale peti. Ado so jenih tu kawe tengok warno putih madu dio, wak ni kawe tok ingak leboh gapo, tapi ore kato tok berapo buleh cayo.

Banyok pulok kecek kawe. Nih dio lagu 'madu leboh'. :D